Գիտնականները պարզել են, թե կրծքավանդակի ինչպիսի ցավն է կյանքի համար վտանգավոր

Գիտնականները հայտնաբերել են գործոններ, որոնք մեծացնում են սրտի հիվանդության վտանգը կրծքավանդակի շրջանում անբացատրելի ցավ ունեցող մարդկանց մոտ: Հետազոտությունը հրապարակվել է European Journal of Preventive Cardiology (EJPC) ամսագրում:

Ենթադրվում է, որ Մեծ Բրիտանիայում առնվազն մեկ միլիոն հիվանդ ամեն տարի դիմում է բժշկի՝ կրծքավանդակի ցավի պատճառով: Շատ դեպքերում պատճառը հնարավոր չէ բացահայտել՝ չնայած թեստերին և հետազոտություններին: Հետազոտությունները ցույց են տվել, որ նման մարդկանց մոտ սրտի հետ կապված խնդիրների մեծ ռիսկ կա։ Նոր աշխատանքում գիտնականները բացահայտել են դրա հիմնական ռիսկային գործոնները:

Վերլուծվել են Անգլիայի ավելի քան 600,000 մարդկանց տվյալները, ովքեր 2002-ից 2018 թվականներին ունեցել են կրծքավանդակի շրջանում անբացատրելի ցավեր: Շաքարային դիաբետով, հիպերտոնիայով և նախասրտերի ֆիբրիլյացիայով հիվանդներն ունեցել են սրտանոթային հիվանդությունների մեծ ռիսկ:

Առավելագույն վտանգի տակ գտնվողների գրեթե կեսը ծխող է եղել կամ տառապել է գիրությամբ: Մոդելավորումը ցույց է տվել, որ եթե նրանք թողնեին ծխելը և նիհարեին, 10 տարվա ընթացքում սրտի հիվանդությունների ռիսկը կնվազեր 22%-ից մինչև 16%:

Գիտնականները կարծում են, որ իրենց բացահայտումները կօգնեն բժիշկներին պարզել նրանց, ովքեր ամենամեծ ռիսկի տակ են, որպեսզի կարողանան կանխարգելիչ միջոցներ առաջարկել:

Այս թեմայով Գիտնականները պարզել են լավ քնի գաղտնիքը Ճանապարհը դեպի Մարս բերել է Արարատի մարզ․ գիտնականները փորձարկում են դեպի Կարմիր մոլորակ թռիչքը (տեսանյութ) Գիտնականները պարզել են, թե ինչպես կարելի է բարելավել սրտի առողջությունը միջին տարիքում Գիտնականները բացահայտել են Հին Եգիպտոսում առաջին մումիաների առեղծվածը Խորհրդարանը ԲԴԽ գիտնական անդամի պաշտոնում ընտրեց Կարեն Թումանյանին Գիտնականները կապ են գտել դպրոցականների և նրանց ծնողների գնահատականների միջև Երեք րոպեում ուղեղի աշխատանքը բարելավելու հաճելի միջոց է բացահայտվել ՀՀ նախագահը պարգևատրել է գիտնական Յասմին Դում-Թրագուտին «Մովսես Խորենացի» մեդալով Գիտնականները «մատներով» հազվագյուտ դելֆին են հայտնաբերել (լուսանկարներ) 19 գիտնական պատմաբաններ պահանջում են կասեցնել դասագրքի կիրառումը