Covid-ի դեմ պայքարը ձախողած և ոլորտը տապալած Թորոսյանն արցախցիներին է համարում ազգային անվտանգության սպառնալիք

ՔՊ-ական Արսեն Թորոսյանն օրերս հարցազրույց է տվել, որտեղ հերթական անգամ պահանջել է ազգայնացնել Արցախի Հանրապետությանը պատկանող և Հայաստանի տարածքում գտնվող ողջ ունեցվածքը՝ շենքերից մինչև մեքենաներ՝ դա հիմնավորելով նրանով, որ Արցախի կառավարման ինստիտուտների գոյությունը սպառնալիք է Հայաստանի ազգային անվտանգության համար: Կշտամբելով արցախցիներին իշխանությունների ցուցաբերած օգնության համար՝ նա, իհարկե, չի խոսի այն հարյուրավոր միլիոնների մասին, որոնք ամբողջ աշխարհից հոսել են կառավարության գրպանը և, չգիտես ինչու, այդ միլիոնավոր դոլարներից արցախցիներին այսօր բաժին են հանում ամսական 40 հազար դրամ, այն էլ՝ երեսով տալով:

Ով-ով, սակայն Արսեն Թորոսյանն իրավունք չունի որևէ մեկին որևէ հարցում կշտամբելու, էլ չենք ասում՝ Արցախի պետական գույքն ազգայնացնելու կոչեր անելու: Արսեն Թորոսյանը դեռ պետք է պատասխանի այն հարցին, թե ինչպես եղավ, որ իր՝ առողջապահության նախարար աշխատած տարիներին տապալվեց համավարակի դեմ պայքարը և արդյունքում ունեցանք հազարավոր մահեր: Նա դեռ պետք է պատասխանի, թե ինչպես եղավ, որ համավարակի դեմ պայքարի ընթացքում իր ղեկավարած կառույցում կոռուպցիոն երևույթներ արձանագրվեցին: Համավարակի ընթացքում յուրացումներ կատարելու վարույթը դեռ ընթացքի մեջ է և հուսանք՝ եթե ոչ Թորոսյանը, ապա իրավապահներն, ամեն դեպքում, այս հարցի պատասխանը կտան: Եվ վերջինը՝ Թորոսյանը դեռ պետք է պատասխանի, թե այդ ինչպես եղավ, որ հեղափոխությունից հետո ֆանտաստիկ կերպով հարստացել է: Այն աստիճան, որ մեկ օրում միանգամից 3 խոշոր անշարժ գույքի գնման գործարք է կնքել՝ Կոտայքի ու Արագածոտնի մարզերում, հետո դա էլ չի բավարարել, չորրորդ հողատարածքն է ձեռք բերել կրկին Կոտայքի մարզում։ 

Ազգային անվտանգությունից խոսող Թորոսյանը նախ պետք է հիշի, որ այդ ինքն է տապալել ազգային անվտանգության կարևոր մասը՝ առողջապահության ոլորտը և նոր արցախցիներին մեղադրի ՀՀ ազգային անվտանգությանը սպառնալու համար: Այն արցախցիներին, որոնք զրկվել են իրենց հայրենիքից և տներից՝ Թորոսյանի և նրա քաղաքական թիմի քաղաքականության արդյունքում և մեղավոր են միայն նրանում, որ չեն հաշտվում հայրենիքը կորցնելու մտքի հետ:

Այս թեմայով Մենք հաղթեցինք եզրափակիչներից մեկը, ևս երեքը դեռ կա. Արսեն Բեգլարյան Մեզ կարող են սպանել, բայց հաղթել չեն կարող, ծնկի չենք գալու, հայի մեջ հավատն արթնացել է․ Մրո (տեսանյութ) Հնարավո՞ր է արդյոք լինել Հայ Առաքելական եկեղեցու հետևորդ և աջակցել եկեղեցին քանդող դավաճանական խմբակին. Արսեն Ջուլֆալակյան Սա ազգային և նաև համամարդկային պայքար է, մարդը նվաստացած չպիտի ապրի. Արսեն Գրիգորյան (տեսանյութ) Ռուսաստանում հետախուզում է հայտարարվել Ուկրաինայի ՆԳՆ նախկին ղեկավար Արսեն Ավակովի նկատմամբ Իրավաբանորեն ուժ ունեցող քարտեզի հիման վրա՝ սահմանի նոր նկարագրություն է արվում. Արսեն Թորոսյան Խորը վերլուծություն պետք է արվի, թե ինչու են այս թվերը աճել. Արսեն Թորոսյան Հերիք եղա՛վ, մենք ստի մեջ չպիտի ապրենք. Արսեն Գրիգորյանը՝ Ոսկեպարից (տեսանյութ) Մեր Հայաստանի տարածքները նվիրվում են թշնամուն, սա անարդար ու անօրեն որոշում է. Արսեն Գրիգորյան (տեսանյութ) Արսեն Գրիգորյանը միացել է շարժմանը