Անվստահություն․ եթե ոչ՝ մանդատներից հրաժարում․ հայտարարություն

«Միասին» այլընտրանքային, հասարակական, քաղաքական շարժման հայտարարությունը.

Վարչախմբի կողմից «սահմանազատում, սահմանագծում» անվան ներքո իրականացվում են բացարձակ ապօրինի գործողություններ առայժմ Տավուշում։ Հերթական անգամ կոպտորեն խախտվում են ՀՀ սահմանադրությունը և դրա հետ փոխկապակցված օրենքները ՀՀ ինքնիշխան տարածքի ամբողջականության պահպանման և դրա հնարավոր փոփոխությունների կարգի, ինչպես նաև ԵԱՀԿ ուղեցույց փաստաթուղթը սահմանազատման և սահմանագծման վերաբերյալ։ «Միասին» շարժումը, անսալով հանրության տարբեր շերտերի պայանջը, դիմում է ԱԺ խմբակցություններին՝ ՀՀ վարչապետ Նիկոլ Փաշինյանին անվստահություն հայտնելու համար ապրիլի 25-ին ՀՀ Աժ-ում ստորագրահավաք նախաձեռնելու պահանջով։ 

Հրապարակային արձանագրումներով և քաղաքական ձևակերպում չստացող դժգոհություններով բավարարվելու ժամանակն անցել է։ Բոլոր այն բացատրությունները, թե չկա կրիտիկական զանգված կամ կարելի է դեռ սպասել, նշանակում է թույլ տալ Նիկոլ Փաշինյանին ոստիկանական բռնի ուժով և կեղծ օրակարգերով ճնշել, մոլորեցնել ընդդիմացող Տավուշի և Հայաստանի բնակչությանը։ Այսինքն՝ ուղղակի նպաստել միջազգային հանցագործ, Արցախի Հանրապետությունը բռնազավթած, արցախահայությանը ցեղասպանության ենթարկած և այժմ էլ նույն ծրագրով ՀՀ-ն կազմաքանդող Իլհամ Ալիևի քաղաքականությանը՝ այս պետականակործան հակահայ ծրագրում դառնալով Նիկոլ Փաշինյանի հետ ուղղակի մեղսակից։ Հայաստանի Հանրապետության ինքնիշխանության և տարածքային ամբողջականության ճակատագիրը որոշվում է Երևանում՝ ՀՀ ԱԺ-ում։ Նիկոլ Փաշինյանը վաղուց արդեն խախտել է Աժ-ում հաստատված կառավարության իր ծրագիրը, այսինքն՝ նա չունի այլևս ժողովրդի քվեն և լեգիտիմություն։

Եթե ՔՊ մեծամասնության պարագայում անվստահություն հայտնելու նախաձեռնությունը տապալվում է, խորհրդարանական ընդդիմությունը կարող է վայր դնել պատգամավորական մանդատները՝ ի նշան բողոքի՝ ցույց տալով միջազգային կառույցներին և ամենակարևորը՝ ՀՀ քաղաքացիներին, որ իրենք հավատարիմ են ՀՀ պետական շահերին և օրենքի գերակայությանը՝ արդեն խորհրդարանից դուրս պարտադրելով իշխանության վերադարձը ժողովրդին։ 

«Միասին» շարժումը դիմում է Հայաստանի բոլոր քաղաքացիներին ոտքի ելնել և օրինական բոլոր միջոցներով քաղաքացիական անհնազանդությամբ պաշտպանել ՀՀ տարածքային ամբողջականությունն ու սահմանադրական կարգը։ Միասին պաշտպանելու ենք և՛ Տավուշի տարածքը, և՛ ողջ Հայաստանը՝ մերժելով Ալիևի կամակատարներին։

Այս թեմայով Կարո՞ղ եք հայտարարել՝ Հայաստանում չկան քաղբանտարկյալներ. Վարդապետյանը հրաժարվեց նման հայտարարություն անել (տեսանյութ) AntiFake.am-ի խմբագրությունը հայտարարություն է տարածել Ոստիկանության համար սովորական է դարձել ԶԼՄ ներկայացուցչի վրա հարձակվելն ու բռնություն գործադրելը․ հայտարարություն Միքայել արքեպիսկոպոս Աջապահյանի նկարով կեղծ հայտարարություն է տարածվում Սուրեն Պետրոսյանի աջակիցներն այս պահին հավաքվում են ՁՊՎ-ի մոտ. հայտարարություն Այդ գործողություններն իրականացվում են Տավուշում ստեղծված ինքնաբուխ շարժումը թուլացնելու նպատակով«Տավուշը հանուն հայրենիքի» ՀԺՄ-ն խստորեն դատապարտում է Կառավարության հակաժողովրդավարական այս գործելաոճը․ հայտարարություն Սրբազանի մասին ստահոդ լուրեր տարածելով` կարճաժամկետ հաջողություն կարձանագրես․ հայտարարություն Ոչ մի բովանդակային հայտարարություն կամ մեկնաբանություն. «Փաստ» Որեւէ հայտարարություն, որը չի հնչել վարչապետի կողմից, պաշտոնապես հերքվում է