Արա Բաբլոյանի և Արսեն Բաբայանի գործով դատական նիստը հետաձգվեց

Երանի ընդհանուր իրավասության դատարանի Ավան-Նոր Նորք նստավայրում, այսօր՝ մայիսի 14-ին, ՀՀ ԱԺ նախկին նախագահ Արա Բաբլոյանի և ԱԺ աշխատակազմի ղեկավարի նախկին տեղակալ Արսեն Բաբայանի գործով դատական նիստը հետաձգվեց։ Հաջորդ դատական նիստը նշանակվեց հուլիսի 1-ին։ 

Նշենք, որ հաջորդ նիստի ընթացքում դատարանը կքննի Արա Բաբլոյանի պաշտպան Արամ Վարդևանյանի ներկայացրած միջնորդությունը։ 

Հիշեցնենք, որ այս գործով մեկ անգամ արդեն նշանակվել էր նիստ, սակայն պաշտպանների միջնորդությամբ՝ կորոնավիրուսի հիմքով հետաձգվել էր։

Տեղեկացնենք, որ Արա Բաբլոյանին մեղադրանք է առաջադրվել այն բանի համար, որ նա, 2018 թ․ հանդիսանալով Հայաստանի Հանրապետության Ազգային ժողովի նախագահը, մշտապես իշխանության ներկայացուցչի գործառույթներ իրականացնող պաշտոնատար անձ, չարաշահել է իր պաշտոնեական լիազորությունները, որն անզգուշությամբ առաջացրել է ծանր հետևանքներ, ինչպես նաև կատարել է պաշտոնեական կեղծիք։

Արսեն Բաբայանին մեղադրանք է առաջադրվել այն բանի համար, որ նա 2018 թ․ մարտի 5-ին, համատեղության կարգով հանդիսանալով Հայաստանի Հանրապետության Ազգային ժողովի աշխատակազմի ղեկավարի տեղակալի պաշտոնակատարը, օժանդակել է ՀՀ Ազգային ժողովի նախագահ Արա Բաբլոյանին և այլ պաշտոնակատար անձանց՝ իրենց պաշտոնեական լիազորությունները չարաշահելուն, որն անզգուշությամբ առաջացրել է ծանր հետրևանքներ, ինչպես նաև կատարել է պաշտոնեական կեղծիք։

Այս թեմայով «Ես հույս ունեմ, որ կհայտարարեք համաներում՝ առանց նախապայմանների»․ Բաբլոյանի բաց նամակը Ալիևին Ինձ տանում եք քաղաքական դաշտ, ես ուզում եմ ասել՝ զբաղվում եմ առողջությամբ. Բաբլոյան Երևանում գողերը բացել են Արա Բաբլոյանի վիրաբույժ որդու տան պատշգամբի դուռն ու մտել տուն Ի՞նչ բնապահպան, ո՞նց կարող է էկոակտիվիստը ձեռքերում աղավնի խեղդամահ անել. Արա Բաբլոյան Մեկ մահճակալ, մեկ թթվածնային սարք զբաղեցնելն այս օրերին անթույլատրելի է. Արա Բաբլոյան Մեկնարկել է Արա Բաբլոյանի եւ Արսեն Բաբայանի գործով առաջին դատական նիստը․ ՈՒՂԻՂ