Ադրբեջանը ինչ պահանջում է՝ Հայաստանը միանգամից կատարում է․ այստեղ չկա երկխոսություն․ ռազմական փորձագետ

«Բաքուն անտեսում է 2020 թվականի նոյեմբերի 9-ի եռակողմ հայտարարությունը»,- ասել է ՀՀ նախագահ Վահագն Խաչատուրյանը՝ Corriere della Sera իտալական պարբերականին տված հարցազրույցում․

«Ադրբեջանի շարունակվող ագրեսիան նոր ձևեր է ստանում, մենք ականատես ենք լինում սահմանին պարբերաբար գնդակոծությունների, և, ցավոք, միջազգային հանրության կողմից համարժեք և կոշտ արձագանք չենք տեսնում»:

ԼՈՒՐԵՐ.com-ի հետ զրույցում ռազմական փորձագետ Կարեն Վրթանեսյանը նշեց, որ քանի դեռ մենք չունենք բանակ, և ձեռքով, ոտքով կապված ենք այս իշխանությանը, ապա պատերազմի վտանգ միշտ էլ կա․

«Կարող է վաղը զարթնենք՝ պարզվի արդեն պատերազմ է, եթե փոխվի ղեկավարությունը, լինի հայկական իշխանություն, այլ ոչ թե թշնամու շահերը սպասարկող իշխանություն, ապա պատերազմի հավանականությունը անհամեմատ ավելի ցածր կլինի։

Այն, ինչ այժմ կատարվում է՝ ես չէի անվանի  Հայաստանի, Թուրքիայի  նաև Ադրբեջանի միջև երկխոսություն, որովհետև սա ոչ թե երկխոսություն է, այլ ուղղակի Թուրքիան և Ադրբեջանը իրենց պահանջներն են ներկայացնում Հայաստանին, իսկ Հայաստանը գնում է միակողմանի զիջումների, սա կոչվում է ուժի, պատերազմի պարտադրում, ընդ որում, ըստ միջազգային իրավունքի, դա խստիվ արգելված է։

Պայմանագրերը, որոնք արվում են ուժի կիրառման սպառնալիքի տակ, ըստ էության, վավեր չեն, սա միջազգային իրավունքն է ասում»,- ասաց Վրթանեսյանը և հավելեց`  եթե խաղաղություն ասելով հասկանում ենք հայկական ներկայության վերացումը այս տարածաշրջանում, ապա հայերին կարող են բնաջնջել այս տարածաշրջանից, եթե Հայաստանը ներկայացնող անձինք Հայաստանի թշնամիների բոլոր պահանջները կատարեն։ 

Մեր զրուցակցի խոսքով` Ադրբեջանը ինչ պահանջում է՝ Հայաստանը միանգամից սկսում է կատարել, ըստ Նիկոլ Փաշինյանի խոստովանության՝ երբեմն նաև բանավոր հրահանգներն են կատարում․

«Օրինակ՝ Գորիս-Կապան ռազմավարական նշանակության կարևորագույն ենթակառուցվածքային ճանապարհի հանձնումը Նիկոլ Փաշինյանի  խոստովանությամբ արվել է Ադրբեջանի բանավոր հրահանգով, երբ հակառակորդը ներխուժում է մեր տարածք և վարչապետը հայտարարում է, որ միայն բանակցային ճանապարհով է խնդիրը լուծվելու, դրանով ըստ էության, հակառակորդին հնարավորություն է տալիս էլ ավելի շատ ամրանալ մեր տարածքում, այս դեպքում ինչո՞ւ միջազգային հանրությունը պետք է խառնվի»,-ասաց նա։ 

Լիլիթ Զալիբեկյան

Այս թեմայով Մոտ ապագայում Ռուբեն Վարդանյանը ազատ է արձակվելու. Ադրբեջանի հարցերով փորձագետ «Դավաճանը հանձնում է Հայաստանը»․ ակցիա՝ Հովհաննես Դավթյանի ներկայացման ժամանակ (տեսանյութ) Հայաստանը շուտով Թուրքիային կփոխանցի Անիի կամրջի վերականգնման շուրջ իր մոտեցումները. ԱԳՆ Արևմուտքի համար Հայաստանը, ինչպես Ուկրաինան, ընդամենը մանրադրամ են ընդդեմ ՌԴ-ի և Իրանի․ Հայկ Բաբուխանյան (տեսանյութ) Ո՞ւր են ներքաշում Հայաստանը. «Փաստ» Հայաստանը պետք է լինի առանց Նիկոլի. ակցիայի մասնակից Քննարկվել են ՀՀ-Իտալիա ռազմական համագործակցության հարցեր ՈՒՂԻՂ. Բողոքի ակցիա ԱԺ-ի դիմաց. պահանջում են Փաշինյանի հրաժարականը Մինսկն այսուհետ ռազմական օգնություն կցուցաբերի ՀԱՊԿ երկրներին. Բելառուսը նոր դոկտրին է հաստատել Այն կտի մասին, թե իբր ադրբեջանական գազ է գնելու Հայաստանը․ Կարեն Վրթանեսյան