Եկեք ֆիքսենք, որ 2017-2018-ին ՀՀ-ն և ԼՂ-ն եղել են վերահաս արհավիրքին հանդիման վիճակում․ Փաշինյան

«Բա եթե արհավիրքը վերահաս էր՝ էդ մարդիկ 2018-ի մայիսի 9-ից սկսած ասում են՝ տալիս են, տալիս են, էս արին, էն արին»,- այս մասին այսօր ԱԺ-ում իր խոսքում ասել է ՀՀ վարչապետ Նիկոլ Փաշինյանը՝ անդրադառնալով ՀՀ երրորդ նախագահ Սերժ Սարգսյանի կողմից արված այն հայտարարությանը, ըստ որի՝ «Ես տեսնում էի՝ արհավիրք է մոտենում, դա էր ինձ դրդել կրկին առաջադրվել վարչապետ»։

Փաշինյանի խոսքով, եթե Սերժ Սարգսյանը տեղյակ էր վերահաս վտանգի մասին, ուրեմն հրապարակային չկարողանալու դեպքում, պետք է աշխատանքային կարգով գրեր, տեղեկատվություն տար այդ մասին և ոչ թե անընդհատ փորձ աներ Կառավարությանը մոլորության մեջ գցել․

«Ես մեկ-երկու փորձ արել եմ նախկին իշխանության ներկայացուցիչների հետ հասկանալ՝ ինչա տեղի ունենում, բայց երբ որպես վարչապետ շփվել եմ, հասկացել եմ, որ էդ մարդիկ փորձում են վիրտուալ իրականություն ստեղծել։

Կարողա սիրուն չեմ ասում, բայց պիտի ասեմ․ էդ ոնցա՞ Սերժ Սարգսյանը և իրա թիմը պաշտոնանկությունից հետո կարային կենցաղային հարցերով անընդհատ Կառավարությանը նամակ-նամակի հետևից գրել, բայց չէ՞ր կարա գրեր՝ «Կառավարություն, վերահաս արհավիրքի առաջ եք, առաջարկում եմ անել սա»,- իր ելույթում նման տեսակետով հանդես եկավ Փաշինյանն ու թեման ամփոփելով՝ նշեց․

«Եկեք արձանագրենք, որ արդեն այն ժամանակ քաղաքական մեծամասնությունը գիտեր վերահաս արհավիրքի մասին, եկեք ֆիքսենք, որ 2017-2018 թվականներին ՀՀ-ն և ԼՂ-ն եղել են վերահաս արհավիրքին հանդիման վիճակում։ Այս քննարկումը կարևոր է իրադրությունը իր բոլոր նրբություններով և նյուանսներով հասկանալու համար»։ 

Այս թեմայով «Վարչապետի գավաթ»-ն ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան Նիկոլ Փաշինյանին ու Աննա Հակոբյանին նկարահանել են Սևանում գտնվող սրճարանում (տեսանյութ) Փաշինյանը տիկնոջ հետ հանդիպել է «ՀՀ վարչապետի գավաթ» սեղանի թենիսի մրցաշարի եզրափակիչ փուլի մասնակիցներին Փաշինյանը հետևել է Գավառի հրապարակում քյուֆթայի և փախլավայի պատրաստման վարպետաց դասին (լուսանկարներ) Մենք 4 գյուղը չենք տալիս Ադրբեջանին, մենք 4 գյուղը վերցնում ենք Ադրբեջանից․ Փաշինյան Փաշինյանը ողջ հանրապետությունով համերգներ է կազմակերպել Փաշինյանի գլխավորությամբ խորհրդակցություն է տեղի ունեցել կառավարությունում Փաշինյանը ՔՊ նախաձեռնող խմբի նիստին հանդես է եկել սահմանազատման գործընթացի մեկնարկի մասին զեկույցով ԱՄՆ նախազգուշացնող «մեսիջը»՝ Փաշինյանին, թե լավ բեմադրված շոու 10-15 տարվա ազատազրկում. ի՞նչ պատիժ է նախատեսված ՀՀ տարածքային ամբողջականությունը խախտելու համար