Չեմ կարծում, որ Թուրքիան կարող է ատոմակայանի «վտանգավոր» լինելու հարց բարձրացնել. ատոմակայանի տնօրեն

Հայկական Ատոմային էլեկտրակայան» ՓԲԸ գլխավոր տնօրեն Էդուարդ Մարտիրոսյանը Սոչիում ընթացող AtomExpo-ի ժամանակ լրագրողների հետ զրույցում ասաց, որ Մեծամորի ատոմակայանի անվտանգային համակարգը շատ բարձր մակարդակի է:

«Ես չեմ կարծում, որ Թուրքիան կարող է այդ հարցը բարձրացնել, մենք  որպես շահագործող կազմակերպություն և ես որպես այդ կազմակերպության ղեկավար չենք կարող շահագործել վտանգ սպառնացող կայան։ Ես միանշանակ ձեզ կարող եմ ասել, որ ցանկացած միջոցառման ուղղությամբ, որը կարող է ինչ-որ տեղ ազդեցություն ունենալ  անվտանգության վրա,  քայլեր են կատարվում ամբողջ ծավալով և նույնիսկ ավելին։

Մեր կայանի անվտանգային համակարգը շատ բարձր մակարդակի վրա է, ու ՀՀ կառավարության կողմից հատկացվող միջոցները լիովին բավարար են եղել, նույնիսկ գերազանցել են այն չափորոշիչները` մոդեռնիզացնելու նաև այն անվտանգային համակարգերը, որոնք կան:

Մենք արդեն նոր տեխնոլոգիաների հետևից ենք գնում, որ ապահովենք մեր կայանի անվտանգությունը, անվտանգություն մեզ համար ամենակարևոր հանգամանքներից մեկն է։ Ոչ մի պետություն չի կարող մեզանից շատ մտածել մեր երկրի անվտանգության համար»,- ընդգծեց Ատոմակայանի տնօրենը:

Մարտիրոսյանը նշեց, որ նույնիսկ ԱԷՄԳ-ի ղեկավարն է խոսել Մեծամորի ատոմակայանի անվտանգ լինելու մասին։

«Կարծում եմ՝ դա պետք է բավարար լիներ որոշ պետությունների փորձագետների համար, որոնք տարբեր կարծիքներ են հայտնում  հայկական ատոմակայանի շահագործման՝  իբր խնդիրների վերաբերյալ, այդպիսի խնդիրներ չկան»,- ասաց Էդուարդ Մարտիրոսյանը։ 

Այս թեմայով Հավանաբար, հաջորդ տարի Հայաստանն ատոմակայանի հարցում կունենա որոշում. ՏԿԵ փոխնախարար Թուրքիան ցանկանում է Պուտինի այցի ընթացքում քննարկել գազի, ատոմակայանի և Սիրիայի հարցը Իրանի արտգործնախարարը հերքում է Մեծամորի ատոմակայանի՝ Արաքս գետը ռադիոակտիվ նյութերով աղտոտելու վերաբերյալ մտահոգությունները Ատոմակայանի շահագործման ժամկետը մինչև 2036 երկարաձգելու ծրագիրը մեկնարկելու է հաջորդ տարի Կառավարությունը հաստատեց Մեծամորի ատոմակայանի շահագործման ժամկետը մինչեւ 2036 թ երկարաձգելու ծրագիրը Ատոմակայանի հզորությունից ավելի արևային պանելներ կան արդեն տեղադրված. Սանոսյան Հայաստանն ուսումնասիրում է մի շարք երկրների առաջարկներ ատոմակայանի կառուցման վերաբերյալ Ունենք խնդիր Մեծամորի ատոմակայանի կյանքը մինչև 2036թ. և ավելի երկարացնելու. Սանոսյան 2025թ.գոնե պետք է սկսենք նոր ատոմակայանի կառուցումը, որ մինչև 2035թ. պատրաստ լինի. Սանոսյան 1 մլն 27 հազար դոլարի հափշտակություն․ ատոմակայանի նախկին գլխավոր տնօրենին մեղադրանք է առաջադրվել