Մանրամասներ՝ Պուշկին փողոցում դաժան սպանությունից․ որոնվում է «Բեսլան Հարութը»․ Shamshyan

Shamshyan.com-ի տեղեկություններով ՀՀ Ներքին գործերի նախարարության ոստիկանության Կենտրոնական բաժնի կողմից որոնվում է Երևանի բնակիչ 30-ամյա Հարություն Մկրտչյանը։

Վերջինս որոնվում է մարտի 6-ին Երևանում տեղի ունեցած ծեծկռտուքին ակտիվ մասնակցություն ունենալու մեջ, որի հետևանքով Երևանի բնակիչ 49-ամյա Յուրի Մինասյանը ծանր մարմնական վնասվածքներով տեղափոխվել էր հիվանդանոց, որտեղ օրեր անց գիտակցության չգալով մահացել էր։

Այդ օրը ժամը 02։05-ի սահմաններում ՀՀ Ներքին գործերի նախարարության ոստիկանության Կենտրոնական բաժին օպերատիվ տեղեկություններ են ստացվել, որ Պուշկինի փողոցում ծայրահեղ ծանր վիճակում գտնվող քաղաքացի կա։

Մինչ դեպքի վայր կժամանեին ոստիկանները ժամը 02։30-ի սահմաններում  Հերացու անվան թիվ 1 համալսարանական հիվանդանոցից ոստիկանության Կենտրոնական բաժին ահազանգ է ստացվում, որ ծայրահեղ ծանր վիճակում «պոլիտրավմա» ախտորոշմամբ շտապօգնության 07 խումբը Պուշկինի փողոցում գտնվող եկեղեցու մոտից իրենց մոտ է տեղափոխել մի քաղաքացու։

Հիվանդանոց մեկնած ոստիկաններին բժիշկները հայտնում են, որ վիրավորը գտնվում է վիրահատարանում, անգիտակից վիճակում և չի կարող կատարվածի մասին բացատրություն տալ։ 

Ոստիկաններն ու քննիչները պարզում են, որ վիրավորը Յ․ Մինասյանն է։

Ըստ օպերատիվ տեղեկությունների այդ օրը վիճաբանություն է տեղի ունեցել ինչ որ անձանց միչև, որին մասնակից են եղել Երևանի բնակիչ  Հ․ Մկրտչյանը և Կոտայքի մարզի բնակիչ  34-ամյա Արտավազդ Խաչիկյանը, ովքեր գտնվել են Պուշկինի փողոցում հայտնի «Բիթլզ» ակումբում, որտեղից այնուհետև ուղևորվել են Փարպեցի փողոցի Սուրբ Զորավար եկեղեցու հետնամաս, որտեղ էլ Հ․ Մկրտչյանը առանց որևե պատճառի հարձակվել է Յու․ Մինասյանի վրա, հարվածներ հասցրել մարմնի տարբեր մասերին, ապա դեպքի վայրից դիմել է փախուստի։

Կարճ ժամանակ անց ոստիկանության Կենտրոնական բաժնի քրեական հետախուզության բաժանմունքի ծառայողներն ու ՀՀ ՆԳՆ ոստիկանության Պարեկային ծառայության Երևան քաղաքի գնդի 1-ին գումարտակի 1-ին վաշտի պարեկները հայտնաբերել են Ա․ Խաչիկյանին և բերման ենթարկել ոստիկանության Կենտրոնական բաժին, որտեղից էլ նրան ներկայացրել են քննչական բաժին։

Դեպքի փաստով Քննչական բաժնում ՀՀ Քր․ օր․-ի 166 հոդվածի 2-րդ մասի 10-րդ և 15-րդ կետերով նախաձեռնվել է քրեական վարույթ։

Աղբյուրի տեղեկություններով ոստիկանության Կենտրոնական բաժնում հետախուզում է հայտարարվել Հ․ Մկրտչյանի նկատմամբ իսկ քննչական բաժինը դիմել է դատարան, որպեսզի դատարանը որպես խափանման միջոց երկամսյա կալանքի որոշում կայացնի Հ․ Մկրտչյանի նկատմամբ։

Աղբյուրի տեղեկություններով Հ․ Մկրտչյանը շրջապատում հայտնի է «Բեսլան Հարութ» մականվամբ, նախկինում դատապարատված է եղել խուլիգանության և դանակահարության համար ու շրջապատում ունեցել է նաև 2-րդ անուն, ոչ թե «Բեսլան Հարութ», այլ «Բացիլ Հարութ» ու թե նա հայտնաբերվի տեղափոխվելու է ՀՀ Արդարադատության նախարարության քրեակատարողական ծառայության Նուբարաշեն քրեակատարողական հիմնարկ։

Մանրամասները՝ սկզբնաղբյուր կայքում։

Այս թեմայով Հադրութի հրապարակում տարեց և երիտասարդ անձինք գնդակահարվեցին. սա հստակ էթնիկ սպանություն էր 36-ամյա տղամարդը հարվածել է կնոջը, սպանության փորձ կատարել աներոջ նկատմամբ. նախաքննության ավարտ Սպանություն Գյումրիում՝ ցայտաղբյուրի մոտ շան միզելու պատճառով․ տուժողի ձերբակալված հարևանին մեղադրանք է ներկայացվել Քարակերտ գյուղի գիշերային ակումբում սպանություն է կատարվել Սպանություն՝ Գյումրիում․ տան բակում հայտնաբերվել է տղամարդու մարմին (լուսանկար) Սպանություն կատարած 21-ամյա երիտասարդը հայտնաբերվեց Սիսիանում Քասախում 50-ամյա տղամարդուն դաժանաբար կյանքից զրկելու դեպքից մանրամասներ են հայտնի դարձել. ArmLur.am Սպանություն Քասախ համայնքում․ հանցագործություն կատարած անձանց ինքնությունը պարզվել է Սպանություն՝ Երևանում. կասկածյալը, ով մահացածի որդին է, չկարողացավ ոստիկաններից ճողոպրել Սպանություն Փոքր Մասրիկ գյուղի գերեզմանատան մոտ. 19-ամյա երիտասարդը ձերբակալվել է